Sawaal : Roze ki haalat men naak aur naaf men tel lagaana durust he?

*🎀مسائل صوم🎀*

*★قسط 18★*

*♦سوال :* روزہ کی حالت میں ناک اور ناف میں تیل لگانا درست ہے؟

*🅰جواب :* ناک میں نتھنوں تک تیل یا دوائی ڈالنے سے روزہ فاسد ہوجاتا ہے، اور اگر زخم پیٹ میں ہو یا سر پر ہو اور اس پر تیل یا دوائی لگانے سے دماغ یا پیٹ کے اندر دوائی سرایت کرجائے تو روزہ ٹوٹ جائے گا۔

*♦سوال :* روزہ کی حالت میں نہر میں نہانے کا کیا حکم ہے؟

*🅰جواب :* حالتِ روزہ میں نہر یا پول میں نہانے کی ممانعت تو نہیں ہے، تاہم اس بات کی احتیاط لازم ہے کہ نہاتے ہوئے کان، ناک یا منہ میں پانی نہ جائے۔اگر ڈبکی لگانے سے پانی حلق سے نیچے اتر گیا تو روزہ ٹوٹ جائے گا۔

*♦سوال :* کیا روزے میں خوشبو لگا سکتے ہیں؟

*🅰جواب :* خوشبو سونگھنے میں بعینہ خوشبودار چیز جسم کے اندر داخل نہیں ہوتی بلکہ اس کے لطیف اثرات جسم میں داخل ہوتے ہیں، اس لئے اس کی وجہ سے روزہ نہیں ٹوٹے گا، بلکہ رسول اللہ نے روزہ داروں کی میزبانی کا طریقہ یہی بتایا ہے کہ انہیں خوشبو پیش کی جائے-

[ تحفۃ الصائم الزائر أن تغلف لحیتہ ، و تجمر ثیابہ و یذرر ، و تحفۃ المرأۃ الصائمۃ أن تمشط رأسھا و تجمر ثیابھا و تذرر‘‘] [سلسلۃ الأحادیث الضعیفۃ :۴/۲۷۴ ،حدیث نمبر : ۱۷۸۹محشی] [الجامع الترمذي ، حدیث نمبر : ۷۲۲ ۔ محشی] [بدائع الصنائع : ۲/۲۷۰ ۔ محشی]

*♦سوال :* روزہ میں بچہ کو دودھ پلا سکتے ہیں؟

*🅰جواب :* اگر بچے کو دودھ پلانے والی عورت رمضان کا روزہ رکھتی ہے اور ساتھ ہی بچے کو دودھ بھی پلاتی ہے تو اس سے اس کا روزہ متاثر نہیں ہوگا-

[و قال ابن عباس وعکرمۃ رضی اللہ عنھما "الصوم مما دخل و لیس مما خرج]

حضرت ابن عباس اور عکرمہ رضی اللہ عنہما بیان کرتے ہیں کہ روزہ دار کے معدہ میں کسی چیز کے داخل ہونے سے روزہ ٹوٹ جاتا ہے ، خارج ہونے سے نہیں ٹوٹتا۔[صحیح بخاری]

اور ماں کا دودھ خارج ہوتا ہے، لہذا روزے کی حالت میں دودھ پلانے میں کوئی حرج نہیں ہے- [تفہیم المسائل جلد 6، صفحہ 204]

*♦سوال :* کیا روزے کی حالت میں خضاب یا بلیچ لگانے سے روزہ ٹوٹ جاتا ہے؟

*🅰جواب : 1-* روزہ کی حالت میں خضاب لگاسکتے ہیں، خضاب لگانا ممنوع نہیں ہے؛ بشرطیکہ خالص سیاہ رنگ کا خضاب نہ ہو۔

*2-* بلیچ لگانے کے بعد اس کو دھو لینے سے اکر اس کا جِرم صاف ہوجاتا ہے اور صرف رنگ باقی رہ جاتا ہے، تب تو لگانے میں مضائقہ نہیں، لیکن اگر اس کی تہہ جم جاتی ہے اور دھونے سے اس کا جِرم زائل نہیں ہوتا، تو اس کا لگانا درست نہیں کیوں کہ یہ پانی پہنچنے سے مانع ہے، اور اس کی وجہ سے وضو صحیح نہیں ہوگا؛ البتہ حالت روزہ میں بلیچ لگانے سے روزہ کی صحت پر کوئی اثر مرتب نہیں ہوگا-