ZAKAT KI NIYYAT KE MASAIL

    Jis waqt Zakat ka rupiya kisi Gareeb ko de, us waqt apne dil main itna Zaroor khiyal Kar le ki "Main Zakat deta hun"

Agar ye Niyat nahi ki, yu hi de diya to Zakat Ada nahi huyi, dobara dena chahiye aur jitna diya hai uska Sawab Alag milega.

     Agar Faqeer ko dete waqt ye Niyat Nahi ki to jab tak wo Raqam Faqeer ke paas hai us waqt tak ye Niyat kar lena durust hai, Albatta jab Faqeer ne kharch kar dala to uske baad Niyyat karne ka Etbaar Nahi, dobara Zakat De.

     Kisi ne Zakat ki Niyat se kuch Raqam Nikal kar Alag Rakh li ki jab koi Mustahiq  Milega to use de dunga, Phir Jab Faqeer ko diya us waqt Zakat ki Niyat karna Bhool gaya To bhi Zakat Ada ho gayi, Albatta Agar Zakat ki Niyat se Nikal kar Alag Nahi rakha to Ada nahi huyi.

      Agar Kisi ko Inaam(Prize) ke Naam se Kuch Diya magar dil me yahi Niyat hai ki Main Zakat deta hun Tab bhi Zakat Ada ho Gayi.

*📓(Tasheel e Bahishti Zewar:1/407)*

*███████████████████████*

*━━━━━━━━━━━━━━━━━━━━━━━*

          ✍🏻 *MUFTI YASIR AMAN*

                          *QASMI*

               *AHMEDABAD GUJRAT*

*______________________________________