Daily Quran Hadees 22nd Shawwaal, 1447 Hijri ,11th April, 2026

A'oozubiLLAAHi Minash shaitaa-nir Rajeem, BismiLLAAHir Rahmaanir Raheem

AsSALAAMu 'alaikum wa RAHMATullaahi wa BARAKAATuh 

Tajdeed-e-eemaan: Laa-ilaaha-illAL-LAAHu-Muhammadur-RasooluLLAAH

☀ 11th April, 2026

22nd Shawwaal, 1447 Hijri.

"1"  Jis aadmi mein 3 cheezein hongi , ALLAAH Ta'ala us ko apni rehmat mein le leinge : (1) kamzoron ke saath narmi karna (2) maa baap ke saath meherbaani karna (3) gulaamon (naukar chaakar wagaira ) ke saath ehsaan karna."{Tirmizi:2494}

"2" Na to tum (aise kanjoos bano ke ) apne haath ko gardan se baandh kar rakho, aur na (aise fuzool kharch ke) haath ko bilkul hi khula chhod do , phir tumhen qaabile malaamat aur khaali haath ho kar baithhna pade."{Sura-e-bani israaail:29}

"3" Dua ke zariye bala aur museebat se hifaazat talab karo."{Tabraani kabeer:10196}

_Source: Deeniyath, Mumbai, Perceptual Calendars (235th day)_

Sabhi ke liye du'a ki khaas guzarish, Ma-a's-SALAAM.