Ramzan Ke Liye Nizamul Avqaat

☆ Subeh se Shaam Tak Ke Amaal

☞ Fajar Se Zuhar Tak Ke Amaal

✾ 1- Subeh Tahajjud ka Ahatmam karna Chahiye Chahe 2 Raka’ate hi Kyu na ho.

✾ 2- Subeh Savere kam se kam Ek Para Quran Paak ki Tilawat.

✾ 3- Masjid me Jaldi Jaakar Pehli Saf me Bethne ka Ahatmam Aur 2 Raka’at Sunnat.

✾ 4- Khushu v Khuzu ke Saath 2 Raka’at Farz ka Ahatmam.

✾ 5- Namaz ke baad Tasbihaat Phir Dua ka Ahatmam.

✾ 6- Namaz ke baad Subeh ke Masnoon Azkaar ka Ahatmam.

✾ 7- Suraj Tulu hone tak na Soiye Balki Tulu ke 20 Minutes baad Namaze Ishraak Padhe, Phir chahe thodi der So jaiye.

✾ 8- Zawaal se Pehle Namaze Chaasht ka Ahatmam.

☞ Zuhar Se Asar Tak Ke Amaal

✾ 1- Masjid me Jaldi Aakar Tahayatul Masjid v Vaju ki 2 Raka’at, Phir Qurane Paak ki Tilawat Aur Pehli Saf ka Ahatmam.

✾ 2- Zuhar se Pehle ki 4 Raka’at Sunnat Mokada ka Ahatmam.

✾ 3- Khushu Khuzu ke Saath Namaze Zuhar ki 4 Raka’at Farz Ada kare.

(Mobile Ghar Chhodh kar Aaiye)

✾ 4- Namaz ke baad Dua Aur Tasbihaat Aur Namaz ke baad ke Azkaar ka Ahatmam.

✾ 5- Namaz ke baad 2 Raka’at Sunnat Mokada Aur 2 Raka’at Sunnat Ghair Mokada Ada kare.

✾ 6- Phir Koi kaam ho to Kuchh Der Usse faarig hokar Quran Paak ki Tilawat kare.