Daily Quran Hadees 26th Zilhajjah,1444 Hijri 15th July 2023

A'oozubiLLAAHi Minash shaitaa-nir Rajeem, BismiLLAAHir Rahmaanir Raheem

AsSALAAMu 'alaikum wa RAHMATullaahi wa BARAKAATuh Bhai

Tajdeed-e-eemaan: Laa-ilaaha-illAL-LAAHu-Muhammadur-RasooluLLAAH

☀ 15th July, 2023

26th Zilhajja, 1444 Hijri

"1"  Ae logo! apne parwardigaar (ki naaraazgi) se bacho, aur daro us din se jab koi baap apne bete ke kuch kaam nahi aa sakega aur na kisi bete ki yeh majaal hogi ke woh apne baap ke kaam aaye. yaqeen jaano ke ALLAAH ka wa'adasachcha hai."{Surah-e-luqmaan:33}

"2" Aye logo ! zameen ki halaal paakeezah cheezein khaao aur shaitaan ke naqshe qadam par na chalo, yaqeen jaano ke woh tumhaare liye ek khula dushman hai."{Sura-e-baqarah:168}

"3" Jo shakhs dunya ko apna mahboob wa matloob banaayega, woh apni aakhirat ka zaroor nuqsaan karega."{Sho'bul imaan:10337}

_Source: Deeniyath, Mumbai, Perceptual Calendars (330th day)_

Sabhi ke liye du'a ki khaas guzarish, Ma-a's-SALAAM.