ZAKAT AUR SADKA,MAL KE BADHNE KA ZARIYA HAI

         Aam taur par log ye samajhte hai ke zakaat ki adaigi aur sadqa wa khairaat karne se maal ghat jaata hai: lekin Quraan wa hadees se pata chalta hai ke sadqe se maal ghatt taa nahi; balke badhta hai.

        Ek Hadees me Nabi  e Akram ﷺ ne farmaya: kisi aadmi kaa maal sadqe ki wajah se kam nahi hota aur jab bhi kisi insaan par zulm kiya jaye, jis par wo sabar kare to yaqeenann Allaah taalaa uski izzat me izafa farmate hai, aur jab bhi koi aadmi kisi sawaal kaadarwaza khole ( yaani bheek mange ) to allaah ta'aalaa uspar ghareebi kaa darwaza khol deta hai. ( Tirmizi 2/58, masnad Ahmad 4/ 231 )

       Sawaal ye hai ke dekhne me to jab zakaat yaa sadqa nikaala jaata hai to maal ghatt  taa hua Nazar aata hai phir ye kiun kaha gaya ke sadqe se maal nahi ghatt taa? iska jawaab ye hai ke sadqe se  bhale hi maal kam hota dikhai deta hai, magar uski wajah se Allaah ta'aalaa ki taraf se jo barkat hoti hai, chaahe baad me kaarobaar me badhoti ki soorat me ho, yaa nuqsaanaat aur aafato'n se hifaazat ki soorat me, wo sadqe ki miqdaae ke muqable me kahi'en zaada hojati hai 

       Aur tajurbe se bhi ye baat saabit hai ke zakaat dene waalo'n kaa maal badhta hi rehta hai.