ROZAH TODNE WALI CHEEZEN

Rozah kin chizon se faasid ho jata hai?

حامدا و مصلیا و مسلما

 

Wo Cheezen Jinse Rozah Faasid Ho jata hai woh neeche likhi gayi hain

1- Kaan aur Naak me dawa dalna.

2- Qasdan (Jaanbujh kar) moonh bharkar qai (vomit) karna ya moonh bharkar aane ke baad kuchh hissah qasdan (jaanbujh kar) lauta Lena. 

3- Kulli karte huve halaq me paani ka chalaa Jana,(us waqt Roza bhi yaad ho)

4- Aurat ko chhoone aur bosah lene se inzaal ho Jana (mani) nikal jana. 

5- Lobaan ya agarbatti ka dhunwa qasdan naak ya halaq me pahunchaana

6- Bidi, cigarette ,huqqah pina

7- Bhool kar khaa pee liya aur khayal kiya k isse Roza toot gaya hoga, fir janbujhkar kha, pee liya

8- Raat samajhkar subah sadiq ke baad Sahri kha Lena,

9- Din Baaqi tha magar galati se yeh samjha k sooraj guroob ho gaya hai, iftaar kar liya-kisi taqweem ya app me dekhkar waqt hote hi iftar kar liya baad me pata chala ghadi aage thi aur sooraj guroob hone me 2 minutes baaqi thi.(akabireen ke mamool ke khilaf bilkul time hote hee 5 minutes bhi aehtiyat na kar ke iftar karne ki baat karnewale  is se ibrat len)

10 - Koi aisi cheez nigal Jana Jo Aadtan khayi nahi jati, Jaise ke lakdi, loha, kachcha gehoon ka daana vagerah

11- Baaf (steam, bhaanp) lena,

12- Mushtzani (haath se mani nikalna)

13- damah (asthma) ke mareez ka inhaler pump isteamal karna.

14- munh me paan-gutkha daba kar so jana yahaan tak ke subah sadiq ho jaye.

15- naksir phoote aur naak ka khoon halaq me chala jaye.

16- dant masoodon ka khoon agar itna ziyadah ho ke woh thook par gaalib aa jaaye ya'ani thuk ko laal kar de ya thook ke baraabar-saraabar ho jaye aur woh thook pet me chala jaye agar thook me khoon kam ho ya'ani khoon ka mazah halaq me ma'alum na ho to rozah fasid na hoga

17- aneima lena ya'ani pet ki safai ke liye pichhe ke raste se dawai charhaana

18- mard ki peshab ki nali me koi dawai dali jaye aur woh masaane tak pahonch jaye. Agar masane (peshab ki theli) tak na pahonche to rozah faasid nahi hoga

19- aurat ka apni sharmgah me koi dawai dalna 

20- aurat ki sharmgah me doctorni ka chekup ke liye bhiga huwa ya dawai wala haath ya machine dalna agar haath ya machine par dawa na ho to rozah faasid na hoga

21- danton me gosht ka resha, supari wagairah ka tukda atka huwa tha aur use  munh se baahar nikale bagair zuban ya khilal se nikalkar munh ke andar hi andar nigal liya ya khud bakhud halaq me chala gaya to dekhiye agar woh cheez chane ki miqdar se zyadah hai ya chane ke barabar hai to rozah faasid ho gaya agar chane se kam hai to fasid nahin huva agar munh se bahar nikala phir nigal gaya to har haal me rozah faasid hoga chahe chane ke baraabar ho ya us se bhi kam ho