Daily Quran Hadees 28th Rajjab, 1444 Hijri 23rd December 2022

A'oozubiLLAAHi Minash shaitaa-nir Rajeem, BismiLLAAHir Rahmaanir Raheem

AsSALAAMu 'alaikum wa RAHMATullaahi wa BARAKAATuh Bhai

Tajdeed-e-eemaan: Laa-ilaaha-illAL-LAAHu-Muhammadur-RasooluLLAAH

☀ 23rd December, 2022

28th Rajjab, 1444 Hijri

"1"  Tum apni aulaad ki tarah maa-tehton (naukar chaakar) aur yateemon ke saath achcha sulook karo, aur jo tum khaate ho, un ko bhi khilaao."{Ibn-e-maaja:3691}                                                  

"2" Tum log (maal-o- daulat aur dunyawi raaahat-o-aaraam mein )apne se oopar waalon ko na dekho (is se laalach aur hasad paida hoga) aur tum log hamesha apne se neeche ke logon ko dekho (is se shukr ada karne ka jazba paida hoga."{Musnade ahmad:21415}        

"3" Jab banda jhoot bolta hai, to farishta us ke jhoot ki badbu ki wajah se ek meel door chala jaata hai."{Tirmizi:1972}

_Source: Deeniyath, Mumbai, Perceptual Calendars (125th day)_

Sabhi ke liye du'a ki khaas guzarish, Ma-a's-SALAAM.