MASAIL-E-ZAKAT: SHADI KE LIYE RAKHE HUVE & MAKAAN BANANE KE LIYE JAMA KI HUVI RAQAM PAR ZAKAAT

1- SHADI KE LIYE RAKHE HUVE ZEWARAAT PAR ZAKAAT

2- MAKAAN BANANE KE LIYE JAMA KI HUVI RAQAM PAR ZAKAAT

▦▦▦▦▦▦▦▦▦▦▦▦▦▦▦▦▦▦▦▦▦▦

◼1- SHADI KE LIYE RAKHE HUVE ZEWARAAT PAR ZAKAAT

Agar baap yaa maa ne bachchi yaa bachche ki shaadi ke liye zewaraat banakar rakhe hai aur wo abhi bachcho'n ke hawale nahi kiye gaye; balke apni hi malkiyat me hai to unki qeemat par maa yaa baap par zakaat wajib rahe gi.

Aur agar bachcho'n ki malkiyat me dediye hai to jab tak wo nabaligh hai unpar zakaat wajib naa hogi; aur baligh hone ke baad agar nisaab waghaira ki sharait poori hoti ho to saal guzar ne par unpar zakaat wajib hogi.

◼2- MAKAAN BANANE KE LIYE JAMA KI HUVI RAQAM PAR ZAKAAT

Kisi shakhs ne makaan banane ke liye raqam jamaa kar rakhi thi, us darmiyaan zakaat ki adaigi kaa waqt aagaya to uspar jama ki huvi raqam ki zakaat adaa karna bhi laazim(zaruri) hai.

📓(Kitaabul masail , 2 / 220)

MUFTI YASIR AMAN QASMI

AHMEDABAD GUJRAT