Fajr Ki Namaz Mein Uth Saktey Hain Agar

*🔘Fajr Ki Namaz Mein Uth Saktey Hain Agar,,,,,,,,,,,,,🔘*

1⃣ Sonay Se Pehlay Namaz e Fajr Key Liye Uthnay Ki Sachchi Niyat Ki Jaye Kyu kae Niyat Se Toufiq Milti Hai.

2⃣ Raat Ko Sonay Mein Jaldi Ki Jaye Aur Der Raat Jaagney Se Parhaiz Kiya Jaye, Ibadat Se Taghaful (Ghaflat) Mein Yeh Sab Se Badi Rukawat Hai.

3⃣ Sachchey Dil Se Allah Taala Se Dua Key Saath Subah Uthnay Ka Pukhta Iradah Kiya Jaaye, Dua Har Gunah Sey Bachney Ka Mu’assar (Effective) Hathyaar Hai Aur Iraday Ki Pukhtagi Anjaam Tak Pahunchana Hai.

4⃣ Sonay Se Pahlay Wuzu Kiya Jaaye Or Sooney Se Mutalliq Masnoon Dua Parhi Jaaye, Bedaar Honay Par Bedaari Ki Duayen Parhi Jaayen.

5⃣ Is Baat Ki Ma’rifat (Jaankaari) Ho Key Namaz e Fajr Chhor Kar Soye Rehna Gunah Ka Baais (Sabab, Reason) Or Munafiq Ki Nishani Hai. (Muttafaq Alaih)
*Muttafaq Alaih Ka Matlab: Aisi Hadees Jo Sahih Bukhari or Sahih Muslim Dono Mein Ho.*

 
         

6⃣ Allah Ki Masiyat aur Uski Nafarmani Se Bilkul Bacha Jaaye.

7⃣ Is Baat Ka Ehsas Kiya Jaaye Ke Namaz e Fajr Padhnay Se Bandah Allah Taala Ki Zamanat (Ya Amaan) Mein Ho Jata Hai *📕(Sahih Muslim: 657)*

8⃣ Alarm Ka Istemaal Kiya Jaaye Aur Us Mein Fajr Ki Namaz Se Pehlay Ka Waqt Set Karkey Apne Se Door Rakha Jaye.

9⃣ Dopahar Mein Mamooli Qailulah Karney *(Means Dopahar Mein Thoda Soney)* Sey Subah Bedar Honay (Uthney) Mein Madad Milti Hai.

🔟 Sonay Mein Akelay Pan Ko Door Kiya Jaaye, Taaki Paas Pados Mein Koi Hoga To Namaz Key Liye Jaga Dayga.

1⃣1⃣ Raat Ka Khana Halka Khaya Jaye Kyu ke Ziyada Khana Neend Mein Shiddat Ka Baais (Sabab, Reason) Hai.

1⃣2⃣ Peeth or Pait Ke Bal Na Soya Jaye Balkay Sone Mein Nabawi Kaifiyat Ko Ikhtiyar Kiya Jaye, Yani Daayen (Right) Karvat Soyen Is Tarah Key Daayen (Right) Haath Ki Hatheli Daayen (Right) Gaal Key Neechay Ho.

 
         

1⃣3⃣ Raat Ki Neend or Din Mein Mamooli Qailulah *(Dopahar Ko Soney)* Key Alawah Deegar (Doosrey) Auqaat Mein Sonay Se Bachen.

1⃣4⃣ Namaz e Fajr Key Saath Deegar (Doosri) Namazon Ki Bajmaat Adaigi Ki Jaye Aur Us Mein Susti or Kahili Ko Door (Khatam) Kiya Jaye.

👆🏿Yeh Chand (Kuch) Tajaweez(Advices) Theen Jinhein Apna Kar Allah Ki Taufeeq Se Insaan Fajr Ki Namaz Padhnay Key Qabil Ho Sakta Hai.
Ho Sakta Hai Is Mein Kuch Waqt Lage Magar Itna Zaroor Dhiyaan Den Ke Jaise Jaise Rab Par Imaan Mazboot Hoga, Aap Ki Niyat Khalis Hogi, Aur Apney Khaaliq e Haqeeqi Ki Ibadat Ki Sachchi Tadap Dil Mein Paida Hogi Waisay Waisay Aap Key Liye Deen Key Umoor Par Amal Karna Aasaan Se Aasaan Tar (Means Aasaan) Hota Chala Jaayegaa. In sha Allah.

 
         

Allah Hamein Amal Ki Taufeeq Ata Farmaye. Aameen

🌹Please Share with Our Muslims Brother and Sister.🌹