Hajj-Aehraam Se Mutaalliq Chand Masaail

*Hajj-o-Umrah Ke Mutafarriq Masaail🗒*

*🗯Qist 2*

*🎗[[Aehraam Se Mutaalliq Chand Masaail ]]*

*📚Sawaal-o-Jawaab : 2*

*🌀Sawaal : 1-* Naa baaligh bachche ke liye haalat-e-aehraam men kya paabandiyaan hongi? Aur wo hajj ke kya arkaan adaa karenge? Nez chote bachchon ko pamper pehna sakte hen? 

*2-* Agr maa haalat-e-aehraam men bachche ka diaper change karde to kya usey dobaara wuzu karna padega ya sirf haath dhona kafi hoga? 

*3-* Saabun istemaal karne ka kya hukm he?

*🅰جواب : 1-* چھوٹے بچے احرام کی جتنی پابندیاں نبھاسکیں اتنی ان سے پابندی کروائیں ۔۔۔ورنہ کوئی حرج نہیں ہے ۔۔۔لہذا احرام کے اوپر انہیں گرم کپڑے بھی پہنا سکتے ہیں ۔۔۔اور لڑکا ہے تو اسے احرام باندھنا بہتر ہے ۔۔اور پیمپر بھی باندھ سکتے ہیں ۔۔۔

جہاں سے بچہ کے والدین احرام باندھیں گے وہیں سے یہ بھی احرام باندھے۔احرام کے لئے نیت ضروری ہے۔بچہ کی نیت کا اعتبار نہیں ہے۔اس لئے اس کا والد یا ولی اس کی طرف سے احرام کی نیت کرے۔ولی کی نیت کرنے سے بچہ محرم ہوجائے گا۔ممنوعات  کے لئے مکلف ہونا ضروری ہے۔بچہ مکلف نہ ہونے کی وجہ سے کسی بھی قسم کی پابندی کا مسئول نہیں۔بہتر ہے کہ اسے بھی چادر اور تہبند (احرام کے کپڑے  )پہنادیا جائے ۔لیکن یہ ضروری نہیں۔کرتا پاجامہ میں بھی وہ رہ سکتا ہے۔حتی الامکان ناسمجھ بچہ کو بھی ممنوعات سے بچانے کی کوشش ہونی چاہئے۔ لیکن اگر وہ پہر بھی ممنوعات احرام کا ارتکاب کرلے تو  اس پہ اور اس کے ولی پہ کفارہ یا صدقہ وغیرہ کچھ بھی واجب نہیں ہوگا۔

عمرہ کی بجائے اگر بچہ نے حج کا احرام باندھا ہو تو بچہ کا حج حج نفل ہوگابلوغ کے بعد اگر اس پہ حج فرض ہوا تو اس کو پہر سے حج فرض ادا کرنا ہوگا۔نابالغی کی حالت میں ادا شدہ حج ، حج فرض کی طرف سے کافی نہیں ۔

[واذا احرم لہ ینبغی ان یجنبہ من محظورات الاحرام ولو ارتکب محظوراً لا شئ علیہما۔] [غنیۃ الناسک ۸۴، شامی زکریا ۳؍۴۶۷، ہندیۃ ۱؍۲۳۶]

[في ’’ البحر الرائق ‘‘ : فإن کان لا یعقلہ فأحرم عنہ أبوہ صار محرما فینبغي أن یجردہ قبلہ ویلبسہ إزارًا وردائً ، ولما کان الصبي غیر مخاطب کان إحرامہ غیر لازم] [۲/۵۵۳ ، ۵۵۴ ، کتاب الحج] [کتاب الفتاویٰ: ۴/۳۹،۴۰]

*2-* وضو کے سلسلہ میں ایک بات اچھی طرح سمجھ لیجیے کہ وضو کے باطل ہونے کے بنیادی طور پر دو اسباب ہیں، ایک تو انسان کے جسم سے نکلنے والی کسی چیز مثلا پاخانہ پیشاب وغیرہ سے وضو ٹوٹ جاتا ہے، اور دوسرے انسان پر ایسی کیفیات کے طاری ہونے سے وضو ٹوٹ جاتا ہے جس کی وجہ سے عقل مغلوب ہوجائے اور اپنے قرب و جوار سے بیگانہ ہوجائے، مثلاً جنون، بیہوشی وغیرہ-

[و معانی الناقضة للوضوء کل ما خرج من السبیلین و الدم و القیح و الصدید اذا خرج من البدن فتجاوز الی موضع یلحقه حکم التطھیر و القیء اذا کان ملأ الفم و النوم مضطجعا او متکئا او مستندا الی شيء لو ازیل لسقط عنه و الغلبة علی العقل بالاغماء و الجنون و القھقھة فی کل صلٰوۃ ذات رکوع و سجود] [قدوری، کتاب الطھارۃ، صفحہ ١٧]

چنانچہ صورت مسؤولہ میں اگر والدہ کو کوئی حدث پیش نہ آیا ہو، تو محض ڈائپر تبدیل کرانے سے وضو باطل نہیں ہوگا، ہاں! اگر ہاتھ یا کپڑوں پر نجاست لگ جائے تو اسے دھونا ضروری ہوگا-

*3-* خوشبو دار صابن سے ایک دوبار سر یا ہاتھ دھویا، تو صرف صدقہ واجب ہوگا، اور اگر بار بار دھویا تو دم واجب ہوگا۔ 

[ولو غسل رأسہ او یدہ باشنان فیہ الطیب فان کان من راٰہ سماہ اشناناً فعلیہ صدقۃ الا ان یغسل مراراً فدم۔] [غنیۃ الناسک ۲۴۹، تاتارخانیۃ زکریا ۳؍۵۹۲، ہندیۃ ۱؍۲۴۱، فتح القدیر بیروت ۳؍۲۸، خانیۃ ۱؍۲۸۹، مناسک علی قاری ۳۲۳، شامی زکریا ۳؍۵۷۷] 

احرام کی حالت میں بغیر خوشبو کے صابن کے استعمال سے کوئی جزاء لازم نہیں ہوتی۔

[ولو غسل رأسہ بالحرض والصابون والسدر ونحوہ الی مما لا رائحۃ فیہ لا شیء علیہ ای بالاجماع۔] [مناسک ملا علی قاری ۳۲۳] [منقول از کتاب المسائل] 

*🅰Jawaab : 1-* Chote bachche aehraam ki jitni paabandiyaan nibha saken, utni unse paabandi karwaaen, warna koi haraj nahi he. Lihaaza aehraam ke upar unhen garam kapde bhi pehna sakte hen, aur ladka he to usey aehraam baandhna behtar he, aur pamper bhi baandh sakte hen.

Jahaan se bachche ke waalidaen aehraam baandhenge, waheen se ye bhi aehraam baandhe. Aehraam ke liye niyat zaroori he, bachche ki niyat ka aetebaar nahi he. Isliye uska waalid ya wali uski taraf se aehraam ki niyat kare. Wali ki niyat karne se bachcha muhrim hojaayega. Mamnoo'aat ke liye mukallaf hona zaroori he, bachcha mukallaf na hone ki wajah se kisi bhi qism ki paabandi ka mas'ool nahi. Behtar he ke usey bhi chaadar aur tehband (aehraam ke kapde) pehna diya jaaye, lekin ye zaroori nahi. Kurta paajaama men bhi reh sakta he. Hattal imkaan naa samajh bachche ko bhi mamnoo'aat se bachaane ki koshish honi chaahiye, lekin agar wo phir bhi mamnoo'aat-e-aehraam ka irtekaab karle, to uspe aur uske wali pe kaffaara ya sadqa wagera kuch bhi waajib nahi hoga.

Umrah ki bajaaye agar bachche ne hajj ka aehraam baandha ho to bachche ka hajj hajj-e-nafl hoga. Buloogh ke ba'ad agar uspe hajj farz huwa to usko phir se hajj-e-farz adaa karna hoga. Naa baalighi men adaa shuda hajj, hajj-e-farz ki taraf se kaafi nahi.

*2-* Wuzu ke silsile men ek baat achchi tarah samajh lijiye ke wuzu ke baatil hone ke bunyaadi taur par do asbaab hen. Ek to insaan ke jism se nikalne waali kisi cheez, masalan paakhaana peshaab wagera se wuzu toot jaata he. Aur dusre, insaan par aesi kefiyaat ke taari hone se wuzu toot jaata he jiski wajah se aql maghloob hojaaye aur apne qurb-o-jawaar se begaana hojaaye. Masalan : Junoon, behoshi wagera.

Chunaancha soorat-e-masoola men agar waalida ko koi hadas pesh na aaya ho, to mehez diaper tabdeel karaane se wuzu baatil nahi hoga. Haan! Agar haath ya kapdon par najaasat lag jaaye, to usey dhona zaroori hoga.

*3-* Khushboo daar saabun se ek do baar sar ya haath dhoya, to sirf sadaqah waajib hoga, aur agar baar baar dhoya to dam waajib hoga.

Aehraam ki haalat men bager khushboo ke saabun ke istemaal se koi jazaa laazim nahi hoti. 

*🌀Sawaal :* Ye bataaen ke jo Pakistani hazraat Saudi Arab mem Jeddah aur Taaif men mulaazim hen, agar wo umrah ki niyat se Makkah (Khaana-e-Ka'aba) jaate hen, to Meeqaat se aehraam baandhna padta he. Agar koi shakhs khaali tawaaf ki gharz se Makkah jaaye, to kya aehraam baandhna laazmi he? Kyunke yahaan muqeem aksar log bager aehraam ke tawaaf karne Makka chale jaate hen, kya ye tareeqa theek he? Agar nahi, to aap hamen iska sahi masla bataaen. 

*🅰جواب :* اس سوال کے جواب میں حضرت مولانا یوسف لدھیانوی صاحب علیہ الرحمہ کا جواب ارسال کررہا ہوں، جو تمام اشکالات رفع کرنے کے لئے کافی ہے، ملاحظہ فرما لیجیے :

🍂آپ کا سوال بہت اہم ہے، اس سلسلے میں چند مسئلے اچھی طرح ذہن نشین کرلیجئے!

*1-* مکہ شریف کے چاروں طرف کا کچھ علاقہ ”حرم“ کہلاتا ہے، جہاں شکار کرنا اور درخت کاٹنا ممنوع ہے۔ ”حرم“ سے آگے کم و بیش فاصلے پر کچھ جگہیں مقرّر ہیں جن کو ”میقات“ کہا جاتا ہے، اور جہاں سے حاجی لوگ اِحرام باندھا کرتے ہیں۔

*2-* جو لوگ ”حرم“ کے علاقے میں رہتے ہوں یا میقات کے اندر رہتے ہوں، وہ تو جب چاہیں مکہ مکرّمہ میں اِحرام کے بغیر جاسکتے ہیں۔ لیکن جو شخص میقات کے باہر سے آئے، اس کے لئے میقات پر حج یا عمرہ کا اِحرام باندھنا لازم ہے، گویا ایسے شخص پر حج یا عمرہ لازم ہوجاتا ہے، خواہ اس شخص کا مکہ مکرّمہ جانا حج و عمرہ کی نیت سے نہ ہو، بلکہ محض کسی ضروری کام سے مکہ مکرّمہ جانا چاہتا ہو یا صرف حرم شریف میں جمعہ پڑھنے یا صرف طواف کرنے کے لئے جانا چاہتا ہو۔ الغرض خواہ کسی مقصد کے لئے بھی مکہ مکرّمہ جائے وہ میقات سے اِحرام کے بغیر نہیں جاسکتا۔

*3-* اگر کوئی شخص میقات سے اِحرام کے بغیر گزر گیا تو اس پر لازم ہے کہ مکہ شریف میں داخل ہونے سے پہلے پہلے میقات پر واپس لوٹے اور وہاں سے اِحرام باندھ کر جائے۔

*4-* اگر وہ واپس نہیں لوٹا تو اس کے ذمہ ”دَم“ واجب ہوگا۔

*5-* جو شخص میقات سے بغیر اِحرام مکہ مکرّمہ چلا جائے، اس پر حج یا عمرہ لازم ہے، اگر کئی بار بغیر اِحرام کے میقات سے گزر گیا تو ہر بار ایک حج یا عمرہ واجب ہوگا۔ ان مسائل سے معلوم ہوا کہ جو لوگ میقات سے باہر رہتے ہیں وہ صرف طواف کرنے کے لئے مکہ مکرّمہ نہیں جاسکتے بلکہ ان کے لئے ضروری ہے کہ وہ میقات سے عمرہ کا اِحرام باندھ کر جایا کریں۔ اور یہ بھی معلوم ہوا کہ وہ جتنی بار بغیر اِحرام کے جاچکے ہیں ان پر اتنے دَم اور اتنے ہی عمرے واجب ہوگئے۔

*6-* جدہ میقات سے باہر نہیں، لہٰذا جدہ سے بغیر اِحرام کے مکہ مکرّمہ آنا صحیح ہے، جبکہ طائف میقات سے باہر ہے، لہٰذا وہاں سے بغیر اِحرام کے آنا صحیح نہیں۔

*🅰Jawaab :* Iss sawaal ke jawaab men Hazrat Maulana Yousuf Ludhyaanwi Sahab Alaihir-Rahmah ka jawaab irsaal kar raha hun, jo tamaam ishkaalaat rafa karne ke liye kaafi he. Mulaahiza farma lijiye :

🍂Aap ka sawaal bohot aham he. Iss silsile men chand masaail achchi tarah zehen nasheen kar lijiye :

*1-* Makkah Shareef ke chaaron taraf ka kuch ilaaqa "Haram" kehlaata he, jahaan shikaar karna aur darakht kaatna mamnoo' he. "Haram" se aage kam-o-besh faasle par kuch jaghen muqarrar hen jinko "Meeqaat" kaha jaata he, aur jahaan se haaji log aehraam baandha karte hen.

*2-* Jo log Haram ke ilaaqe men rehte hon ya Meeqaat ke andar rehte hon, wo to jab chaahen Makkah Mukarrama men aehraam ke bager jaa sakte hen. Lekin jo shakhs Meeqaat ke baahar se aaye, uske liye Meeqaat par hajj ya umrah ka aehraam baandhna laazim he. Goya aese shakhs par hajj ya umrah laazim hojaata he, khwah uss shakhs ka Makkah Mukarrama jaana hajj-o-umrah ki niyat se na ho, balke mahez kisi zaroori kaam se Makkah Mukarrama jaana chaahta ho, ya sirf Haram Shareef men Jumu'ah padhne ya sirf tawaaf karne ke liye jaana chaahta ho. Al-Gharz khwah kisi maqsad ke liye bhi Makkah Mukarrama jaaye, wo Meeqaat se aehraam ke bager nahi jaa sakta.

*3-* Agar koi shakhs Meeqaat se aehraam ke bager guzar gaya, to uspar laazim he ke Makkah Shareef men daakhil hone se pehle pehle Meeqaat par waapis lautey aur wahaan se aehraam baandh kar jaaye.

*4-* Agar wo waapis nahi lauta to uske zimme dam waajib hoga.

*5-* Jo shakhs Meeqaat se bager aehraam Makkah Mukarrama chala jaaye, uspar hajj ya umrah laazim he. Agar kaee baar bager aehraam ke Meeqaat se guzar gaya, to har baar ek hajj ya umrah waajib hoga. In masaail se ma'aloom huwa ke jo log Meeqaat se baahar rehte hen, wo sirf tawaaf karne ke liye Makkah Mukarrama nahi jaa sakte, balke unke liye zaroori he ke wo Meeqaat se umrah ka aehraam baandh kar jaaya karen. Aur ye bhi ma'aloom huwa ke wo jitni baar bager aehraam ke jaa chuke hen, un par utne dam aur utne hi umre waajib hogaye.

*6-* Jeddah Meeqaat se baahar nahi, lihaaza Jeddah se bager aehraam ke Makkah Mukarrama aana sahi he, jabke Taaef Meeqaat se baahar he, lihaaza wahaan se bager aehraam ke aana sahi nahi. 

*✍Hazrat Mufti Huzaifa Sahab Palanpuri (db)🎓*

FIQHI MASAIL

Official channel for masail

By Mufti Huzaifa Palanpuri db

https://t.me/MasailByMuftiHuzaifaPalanpuri

@فقہی مسائل@

مسائل از مفتی حذیفہ پالنپوری

https://t.me/KatabahuHuzaifa