📜Qurbaani Ke Mutafarriq Masaail📜
Qist 5
((Ek Bakra, Bakri Ki Qurbaani Poori Family Ki Taraf Se Kaafi Nahi!))
♦Sawaal : Mufti Sahab! Ba'az logon ka kehna he tamaam ghar waalon ki taraf se agar ek qurbaani ki jaaye, to sab ki taraf se adaa hojaati he, aur qurbaani ka wujoob saaqit hojaata he. Baraaye meherbaani iski haqeeqat se aagaah farmaiyye!
🅰Jawaab : Mufti Muhammad Ja'far Milli Rahmani ka ye tahqeeqi mazmoon irsaal karta hun, isko padh lijiye, Insha Allah mufeed saabit hoga :
🍂Iss waqt WhatsApp par ek bayaan chal raha he ke ek bakri ki qurbaani poori family ki taraf se hosakti he, aur ismen do hadeeson se istedlaal kiya jaa raha he :
📝Hadees-e-Awwal : Ataa Bin Yasaar kehte hen mene Hazrat Abu Ayyub Ansaari Razi Allahu Anhu se pucha : Aanhazrat Sallallahu Alaihi Wasallam ke zamaane men qurbaaniyaan kaese hoti theen? Unhone farmaaya : Ek aadmi apni taraf se aur ghar waalon ki taraf se ek bakri ki qurbaani karta tha, pas wo usko khaate the, aur dusron ko khilaate the, yahaan tak ke logon men mufaakhirat shuru hogayi, jiske nateeje men wo soorat-e-haal hogayi he jo tum dekh rahe ho.
📝Hadees-e-Saani : Hazrat Ayeshi Razi Allahu Anha farmaati hen Aap Sallallahu Alaihi Wasallam ne ek seing waale mendhe ki qurbaani ki aur farmaaya : "Aye Allah! Tu iss qurbaani ko meri taraf se aur aal-e-Muhammad (mere ghar waalon) ki taraf se aur meri ummat ki taraf se qubool farma.
👆In do hadeeson ko bunyaad bana kar ye kaha jaa raha he ke ek bakri ki qurbaani poori family ki taraf se durust he, jabke mazkoora dono hadeeson se ye istedlaal sahi-o-durust nahi he, kyunke Hadees-e-Awwal men Hazrat Abu Ayyub Ansaari Razi Allahu Anhu ka qaul : Ek aadmi ahd-e-nabawi men apni taraf se, aur apne ghar waalon ki taraf se ek bakri ki qurbaani karta tha, ke mutalliq Allama Zafar Ahmad Usmaani Rahimahullah ne "A'ilaa-Us-Sunan" men, Hazrat Mufti Taqi Usmaani Damat Barakatuhum ne "Takmila-tu-Fat'h-Il-Mulhim" men, Hazrat Mufti Saeed Sahab Palanpuri Damat Barakatuhum ne "Tohfa-tul-Ilma'ee" men qaabil-e-qubool ye taujeeh farmaayi he ke ye hadees sawaab men shirkat par mahmool he, ijzaa-o-isqaat-e-waajib par nahi, ya'ani iska ye matlab nahi ke ghar ka ek fard jis par qurbaani waajib he, agar wo qurbaani kare to baqiya un tamaam afraad se bhi qurbaani saaqit hogi jin par qurbaani waajib he.
Aur Hazrat Abu Ayyub Ansaari Razi Allahu Anhu ki riwaayat-e-mazkoora ka matlab bhi yahi he ke ahd-e-nabawi men maal-o-zar ki kasrat nahi thi. Ba'az auqaat ghar ke andar ek hi shakhs ke zimme qurbaani waajib hoti thi, baaqi log chunke saahib-e-nisaab nahi hote the, isliye unke zimme qurbaani waajib nahi hoti thi, lekin qurbaani karne waala apni waajib qurbaani ke sawaab men ghar ke tamaam afraad ko shareek kar liya karta tha, jisey shirkat fis-sawaab to kaha jaa sakta he, shirkat fil-waajib nahi. Hazrat Abu Ayyub Ansaari Razi Allahu Anhu isi ke baare men ye farmaa rahe hen ke jis shakhs par qurbaani waajib hoti thi, wo apni iss waajib qurbaani ke sawaab men ghar ke tamaam afraad ko shaamil kar liya karta tha, yahaan tak ke logon ne mufaakhirat shuru kardi, aur mufaakhirat ke taur par un afraad ki taraf se bhi qurbaani shuru kardi jinke zimme qurbaani waajib nahi thi. Aap Razi Allahu Anhu isi mufaakhirat par nakeer farma rahe hen ke Aap Sallallahu Alaihi Wasallam ke ahd-e-mubaarak men iss tarah mufaakhirat ke taur par qurbaani karne ka riwaaj nahi tha, jaesa ke aaj raaij he. Ye muraad hargiz nahi ke jab ghar ka sarbaraah ya ek fard, jis par qurbaani waajib he, wo apni taraf se qurbaani karde, to ghar ke un tamaam afraad ki taraf se bhi qurbaani saaqit hogi jin par qurbaani waajib he.
Isi tarah Hadees-e-Saaniya men Hazrat Ayesha Razi Allahu Anha farmaati hen ke Aap Sallallahu Alaihi Wasallam ne ek seing waale mendhe ki qurbaani ki aur farmaaya : "Aye Allah! Tu iss qurbaani ko meri taraf se aur aal-e-Muhammad (mere ghar waalon) ki taraf se aur meri ummat ki taraf se qubool farma.
Ye hadees aur iss jaesi deegar hadeeson ka sahi muhmil-o-matlab ye he ke Aap Sallallahu Alaihi Wasallam ne aal-e-Muhammad aur poori ummat ko sirf sawaab men shareek farmaaya he, adaa-e-waajib men nahi.
Allama Ramli Rahimahullah "Nihaaya-tul-Muhtaaj" men farmaate hen : Ek bakri sirf ek shakhs ki taraf se kaafi hogi, raha Aap Sallallahu Alaihi Wasallam ka farmaan, to ye nafs-e-sawaab men shirkat par mahmool he, waajib qurbaani ki adaayegi men nahi.
Nez Aap Rahimahullah ye bhi farmaate hen ke Aap Sallallahu Alaihi Wasallam ne ek mendhe ki qurbaani apni zaat-e-shareefa ki taraf se ki, aur dusri qurbaani apni ummat ke un logon ki taraf se farmaayi jo qurbaani nahi kar sakte the.
Muhaddis-e-Kabeer Hazrat Maulana Mufti Sa'eed Sahab Palanpuri Damat Barakatuhum farmaate hen ke Hazrat Ayesha Razi Allahu Anha ki ye hadees mukhtasar he. Poori riwaayat ye he ke Aap Sallallahu Alaihi Wasallam ne do mendhe qurbaan kiye the, ek apni taraf se waajib qurbaani ki thi, aur dusri nafl qurbaani ki thi, jismen ummat ko shareek kiya tha, ya'ani unko eesaal-e-sawaab kiya tha aur aesa karna jaaiz he, ismen koi ikhtelaaf nahi. Masla waajib qurbaani men dusre ko shareek karne ka he aur iski koi daleel nahi. [Mustafaad : Tohfa-tul-Ilma'ee : 4/438]
Aqal-o-qayaas ka taqaaza bhi yahi he ke ek bakra ya bakri ki waajib qurbaani men kaee logon ka shareek hona jaaiz-o-durust na ho, kyunke agar ek bakra ya bakri men kaee logon ka shareek hona jaaiz hoga, to ek bade jaanwar men 7 se zaaid logon ka shareek hona badarja-e-aula jaaiz hoga, jiska nateeja ye hoga ke shariat ne bade jaanwar men 7 logon ki shirkat ki jo tahdeed ki, wo baatil hogi.
Isliye haqq aur sahi baat yahi he ke ek bakra, bakri, dumba, dumbi aur bheerd ek hi shakhs ki taraf se kaafi hogi, poore ahl-e-khaana ki taraf se nahi. Aur Allama Nawawi Rahimahullah ne isi par ijmaa' bhi naqal farmaaya he.
Nez Aap Sallallahu Alaihi Wasallam ke farmaan : "Jo shakhs qurbaani ki istetaa'at ke bawajood qurbaani na karey, wo hamaari Eidgaah na aaye" se bhi ye baat saabit hoti he ke har saahib-e-istetaa'at par mustaqil qurbaani waajib he, ek bakra ya bakri poore ghar waalon ki taraf se kaafi nahi. Agar aesa hota to koi shakhs bhi iss wa'eed ka misdaaq na banta, jo Aap ke iss farmaan men maujood he, kyunke iss soorat men ek bakra, bakri men 100 aur 200 se zaaid log bhi shareek ho sakte the aur ye har kisi ke bas men hota, koi bhi isse aajiz na hota.
Lihaaza ummat-e-muslima ko chaahiye ke WhatsApp, Internet wagera par iss tarah ki gumraah kun aur kaar-e-khair se door karne waali video clips par dhyaan na den, aur har wo shakhs jis par qurbaani waajib he, wo ba-teeb-e-khaatir qurbaani karey. Waajib qurbaani se inheraaf, aeraaz aur faraar ki raah talaash na karey, ke ismen uski dunya-o-aakhirat ki kaamyaabi-o-falaah he, aur yahi ek momin ki sifat bhi he ke wo nek kaamon men dusron par sabqat ki koshish karta he.
Allah Paak ham sabko deen ki sahi samajh ataa farmaaye!
✍Taalib-e-Dua : Hazrat Mufti Huzaifa Sahab Palanpuri (db)🎓
🅰جواب : مفتی محمد جعفر ملی رحمانی کا یہ تحقیقی مضمون ارسال کرتا ہوں، اس کو پڑھ لیجیے، ان شاء اللہ مفید ثابت ہوگا :
🍂اِس وقت وہاٹس ایپ پر ایک بیان چل رہا ہے، کہ ایک بکری کی قربانی پوری فیملی کی طرف سے ہوسکتی ہے، اور اس میں دو حدیثوں سے استدلال کیا جارہا ہے۔
📝حدیثِ اول : عطا بن یسار کہتے ہیں میں نے حضرت ابو ایوب انصاری رضی اللہ تعالیٰ عنہ سے پوچھا : آنحضرت صلی اللہ علیہ وسلم کے زمانے میں قربانیاں کیسے ہوتی تھیں؟ انہوں نے فرمایا : ایک آدمی اپنی طرف سے اور گھر والوں کی طرف سے ایک بکری کی قربانی کرتا تھا، پس وہ اس کو کھاتے تھے، اور دوسروں کو کھلاتے تھے، یہاں تک کہ لوگوں میں مُفاخرت شروع ہوگئی، جس کے نتیجے میں وہ صورتِ حال ہوگئی ہے جو تم دیکھ رہے ہو۔
📝حدیثِ ثانی : حضرت عائشہ رضی اللہ تعالیٰ عنہا فرماتی ہیں آپ صلی اللہ علیہ وسلم نے ایک سینگ والے مینڈھے کی قربانی کی اور فرمایا : [اللہم تقبل من محمد وآل محمد ومن أمة محمد“] یعنی اے اللہ! تو اس قربانی کو میری طرف سے اور آل محمد (میرے گھر والوں) کی طرف سے اور میری امت کی طرف سے قبول فرما۔
اور حضرت ابو ایوب انصاری رضی اللہ عنہ کی روایتِ مذکورہ کا مطلب بھی یہی ہے کہ عہد نبوی میں مال وزر کی کثرت نہیں تھی، بعض اوقات گھر کے اندر ایک ہی شخص کے ذمے قربانی واجب ہوتی تھی، باقی لوگ چوں کہ صاحبِ نصاب نہیں ہوتے تھے، اس لیے اُن کے ذمے قربانی واجب نہیں ہوتی تھی، لیکن قربانی کرنے والا اپنی واجب قربانی کے ثواب میں گھر کے تمام افراد کو شریک کرلیا کرتا تھا،جسے شرکت فی الثواب تو کہا جاسکتا ہے، شرکت فی الواجب نہیں۔ حضرت ابو ایوب انصاری رضی اللہ عنہ اسی کے بارے میں یہ فرمارہے ہیں کہ جس شخص پر قربانی واجب ہوتی تھی، وہ اپنی اس واجب قربانی کے ثواب میں گھر کے تمام افراد کو شامل کرلیا کرتا تھا، یہاں تک کہ لوگوں نے مفاخرت شروع کردی، اور مفاخرت کے طور پر اُن افراد کی طرف سے بھی قربانی شروع کردی، جن کے ذمہ قربانی واجب نہیں تھی، آپ رضی اللہ عنہ اسی مفاخرت پر نکیر فرمارہے ہیں، کہ آپ صلی اللہ علیہ وسلم کے عہدِ مبارک میں اس طرح مفاخرت کے طور پر قربانی کرنے کا رَواج نہیں تھا، جیسا کہ آج رائج ہے،یہ مراد ہرگز نہیں کہ جب گھر کا سربراہ یا ایک فرد، جس پر قربانی واجب ہے، وہ اپنی طرف سے قربانی کردے، تو گھر کے اُن تمام افراد کی طرف سے بھی قربانی ساقط ہوگی جن پر قربانی واجب ہے۔
اسی طرح حدیثِ ثانیہ جس میں حضرت عائشہ رضی اللہ تعالیٰ عنہا فرماتی ہیں کہ آپ صلی اللہ علیہ وسلم نے ایک سینگ والے مینڈھے کی قربانی کی اور فرمایا : [”اللّٰہم تقبل من محمد وآل محمد ومن أمة محمد“] یعنی اے اللہ! تو اس قربانی کو میری طرف سے اور آل محمد (میرے گھر والوں) کی طرف سے اور میری امت کی طرف سے قبول فرما۔
یہ حدیث اور اِس جیسی دیگر حدیثوں کا صحیح محمل و مطلب یہ ہے کہ آپ صلی اللہ علیہ وسلم نے آل محمد اور پوری امت کو صرف ثواب میں شریک فرمایا ہے، اداء واجب میں نہیں-
[جیسا کہ ”فتح الودود علی ہامش أبي داود“ کی عبارت سے واضح ہوتا ہے : [”یحمل الحدیث علی الاشتراک في الثواب والأجر بحیث لا ینقص بہ أجر المضحي، قیل : وہو الأوجہ في الحدیث عند الکل“] [سنن أبي داود :ص/۳۸۸ ، حاشیہ :۷]
علامہ رملی رحمة اللہ علیہ ”نہایة المحتاج“ میں فرماتے ہیں : ایک بکری صرف ایک شخص کی طرف سے کافی ہوگی، رہا! آپ صلی اللہ علیہ وسلم کا فرمان : [”اللہم ہذا عن محمد وأمة محمد“] تو یہ نفسِ ثواب میں شرکت پر محمول ہے، واجب قربانی کی ادائیگی میں نہیں
[”والشاة عن واحد فقط وأما خبر : اللہم ہذا عن محمد وأمة محمد فمحمول علی أن المراد التشریک في الثواب لا في الأضحیة“] [تکملة فتح الملہم:۳/۵۶۴، کتاب الأضاحي ، مسألة اشتراک أہل البیت في شاة واحدة ، باب استحباب الضحیة وذبحہا مباشرة بلا توکیل والتسمیة والتکبیر ، ط : المکتبة الأشرفیة دیوبند]
نیز ملا علی قاری رحمة اللہ علیہ فرماتے ہیں : (آپ صلی اللہ علیہ وسلم کا اپنی قربانی میں امت کو شریک کرنا) اگر ثواب میں شریک کرنے پر محمول ہے ،تو اس پر کوئی اشکال نہیں، اور اگر حقیقت (واجب قربانی میں شریک کرنے ) پر محمول ہے، تو یہ آنحضرت صلی اللہ علیہ وسلم کی خصوصیت ہے۔
[”ثم المشارکة أما محمولة علی الثواب ، وأما علی الحقیقة فیکون من خصوصیة ذلک الجناب“] [مرقاة شرح مشکوة:۳/۵۶۸]
نیز آپ رحمہ اللہ یہ بھی فرماتے ہیں کہ آپ صلی اللہ علیہ وسلم نے ایک مینڈھے کی قربانی اپنی ذاتِ شریفہ کی طرف سے کی، اور دوسری قربانی اپنی امت کے اُن لوگوں کی طرف سے فرمائی، جو قربانی نہیں کرسکتے تھے۔
[”والأظہر أن یکون أحدہما عن ذاتہ الشریفة ، والثاني عن أمتہ الضعیفة “] [ایضًا :۳/۳۶۹]
محدث کبیر حضرت مولانا مفتی سعید صاحب پالن پوری دامت برکاتہم فرماتے ہیں کہ حضرت عائشہ رضی اللہ تعالیٰ عنہا کی یہ حدیث مختصر ہے، پوری روایت یہ ہے کہ آپ صلی اللہ علیہ وسلم نے دو مینڈھے قربان کیے تھے، ایک اپنی طرف سے واجب قربانی کی تھی، اور دوسری نفل قربانی کی تھی، جس میں امت کو شریک کیا تھا، یعنی اُن کو ایصالِ ثواب کیا تھا، اور ایسا کرنا جائز ہے، اس میں کوئی اختلاف نہیں، مسئلہ واجب قربانی میں دوسرے کوشریک کرنے کا ہے، اور اس کی کوئی دلیل نہیں۔ [مستفاد: تحفة الالمعی:۴/۴۳۸]
عقل و قیاس کا تقاضا بھی یہی ہے کہ ایک بکرا یا بکری کی واجب قربانی میں کئی لوگوں کا شریک ہونا، جائز و درست نہ ہو، کیوں کہ اگر ایک بکرا یا بکری میں کئی لوگوں کاشریک ہونا جائز ہوگا، تو ایک بڑے جانور میں سات سے زائد لوگوں کا شریک ہونا بدرجہٴ اولیٰ جائز ہوگا،جس کا نتیجہ یہ ہوگا کہ شریعت نے بڑے جانور میں سات لوگوں کی شرکت کی جو تحدید کی، وہ باطل ہوگی۔
اس لیے حق اور صحیح بات یہی ہے کہ ایک بکرا، بکری،دنبہ دنبی اور بھیڑ ایک ہی شخص کی طرف سے کافی ہوگی، پورے اہلِ خانہ کی طرف سے نہیں، اور علامہ نووی رحمہ اللہ نے اسی پر اجماع بھی نقل فرمایا ہے-
[وأجمعوا علی أن الشاة لا یجوز الاشتراک فیہا] [نووی شرح مسلم:۱/۴۲۴]
نیز آپ صلی اللہ علیہ وسلم کے فرمان : ["من وجد سعة ولم یضح فلا یقربن مصلانا"] [سنن ابن ماجہ:ص/۲۲۶] یعنی جو شخص قربانی کی استطاعت کے باوجود قربانی نہ کرے، وہ ہماری عیدگاہ نہ آئے؛ سے بھی یہ بات ثابت ہوتی ہے کہ ہر صاحبِ استطاعت پر مستقل قربانی واجب ہے، ایک بکرا یا بکری پورے گھر والوں کی طرف سے کافی نہیں، اگر ایسا ہوتا تو کوئی شخص بھی اس وعید کا مصداق نہ بنتا، جو آپ کے اِس فرمان میں موجود ہے، کیوں کہ اس صورت میں ایک بکرا ، بکری میں سو اور دو سو سے زائد لوگ بھی شریک ہوسکتے تھے،اور یہ ہر کسی کے بس میں ہوتا، کوئی بھی اس سے عاجز نہ ہوتا۔
لہٰذا! امتِ مسلمہ کو چاہیے کہ وہاٹس ایپ، انٹرنیٹ وغیرہ پر اس طرح کی گمراہ کن اور کارِ خیر سے دُور کرنے والی ویڈیو کلیپس پر دھیان نہ دیں، اور ہر وہ شخص جس پر قربانی واجب ہے، وہ بطیبِ خاطر قربانی کرے، واجب قربانی سے انحراف، اعراض اور فرار کی راہ تلاش نہ کرے ، کہ اسی میں اُس کی دنیا وآخرت کی کامیابی وفلاح ہے،اور یہی ایک مومن کی صفت بھی ہے کہ وہ نیک کاموں میں دوسروں پر سبقت کی کوشش کرتا ہے۔ [اولئک یسارعون في الخیرات] [فاستبقوا الخیرات]
اللہ پاک ہم سب کو دین کی صحیح سمجھ عطا فرمائے!
FIQHI MASAIL
Official channel for masail
By Mufti Huzaifa Palanpuri db
https://t.me/MasailByMuftiHuzaifaPalanpuri
@فقہی مسائل@
مسائل از مفتی حذیفہ پالنپوری
https://t.me/KatabahuHuzaifa
%20(1).jpeg)
.jpg)
%20(1).jpeg)
.png)
No comments:
Post a Comment
Please do not enter any spam link in the comment box.