Jumu'a-tul-Widaa' Aur Usse Mutaalliq Chand Ahkaam

*🍂Jumu'a-tul-Widaa' Aur Usse Mutaalliq Chand Ahkaam🍂*

*🌹Qist 2*

*🌸Jumu'a-tul-Widaa' Aur Qazaa-e-Umri :* Ba'az log kehtey hain ke Jumu'a-tul-Widaa ke din qazaa-e-umri ki namaaz padhni chaahiye, woh is tarah ke Jumu'ah ke waqt do raka'at qazaa-e-umri ki niyat sey padhi jaaye, ke isse poore saal ki namaazen adaa hojati hain, yeh baat bilkul ghalat hai, aur is main teen ghalatiyaan hain: 

*1-* Shari'at main "Qazaa-e-Umri" ki koi istilaah nahi, shari'at ka hukm to yeh he ke musalmaan ko namaaz qaza hi nahi karni chaahiye, kyunke hadees main hai ke jo shakhs aik farz jaan boojh kar qaza karde, Allah Ta'ala ka zimma usse bari hai. 

*2-* Jo shakhs ghaflat-o-kotaahi ki wajah se namaaz ka taarik raha, phir usne toba karli aur aehed kia ke wo koi namaaz qaza nahi karega, tab bhi guzishta namaazen uske zimme baaqi rahengi, aur inka qaza karna usper laazim hoga, aur agar zindagi main apni namazain poori nahi karsaka to marte waqt uske zimme wasiyat karna zaroori hoga ke uske zimme itni namaazen qaza hain, inka fidya ada kardia jaaye, yehi hukam zakat, roza aur hajj waghera deegar faraaiz ka hai, is qazaa-e-umri ke tasawwur se shari'at ka yeh saara nizaam hi baatil hojata hai. 

*3-* Kisi cheez ki fazeelat ke liye zaroori hai ke wo Huzoor-e-Akram Sallallahu Alaihi Wasallam se saabit ho, kyunke bagher wahi-e-ilaahi ke kisi cheez ki fazilat aur iska sawaab ma'aloom nahi hosakta, Maah-e-Rajab ki namaaz aur rozon ke baare main, isi tarah Jumu'a-tul-Widaa' ki namaaz aur rozey ke baarey main jo fazaail bayaan kiye jaate hain, yeh Aap Sallallahu Alaihi Wasallam se qat'an saabit nahi, isliye in fazaail ka aqeedah rakhna bilkul ghalat hai, shari'at ka masla to yeh he ke agar koi shakhs aik farz tark kardey to saari umr ki nafli ibaadat bhi is aik farz ki talaafi nahi karsakti, aur yahaan yeh muhmil baat bataayi jaati hai ke do rak'at nafl namaaz se saari umr ke farz adaa ho jaate hain. [Mustafaad Az : Fataawa Yousufi]

⚠Ba'az log Jumu'a-tul-Widaa' ko khaas ibaadat kuch iss tarah karte hen ke 4 rak'at ki niyat karke har rak'at men 7 dafa Aayat-Ul-Kursi aur 7 dafa Sura-e-Kausar padhte hen aur usko tamaam umr ki qaza namaazon ka kaffaara samajhte hen. To waazeh rahe ke shariat men iss namaaz ki koi asal nahi aur na hi ye namaaz qaza shuda namaazon ka kaffaara hoga, balke jitni namaazen aadmi se qaza huwi hen, unka adaa karna zaroori he, bager iske wo namaazon se bari-uz-zimma nahi ho sakta. [Jawaab 8405 : Fataawa Daar-Ul-Iftaa Daar-Ul-Uloom Deoband]

*🌸Ramazaan-Ul-Mubaarak Men Ek Qaza Namaaz Ek Hi Shumaar Hoti He :* Ramazaan-Ul-Mubaarak men nek aamaal ka sawaab 70 guna milta he, lekin usse ye qiyaas kar lena ke Ramazaan men qaza ki huwi ek namaaz se qaza shuda 70 namaazen adaa hojaaengi, bilkul galat he. Ek maalik aelaan karde ke jo fulaan din kaam par aaenge, unko 70 guna ujrat di jaayegi, to iske ye maana kabhi nahi samjhe jaaenge ke ek din kaam karne ke ba'ad ab 70 din ki chutti hogi ya ye ke ye ek din 70 dino ke kaam ke qaaem maqaam tasawwur kiya jaayega. Zaahir he ke aesa samajhne waala ahmaq hoga! Algharz kisi amal par zaaid mazdoori milna aur baat he, aur uss amal ka kaee din ke amal ke qaaem maqaam hojaana dusri baat he. Ramazaan-Ul-Mubaarak men adaa kiye gaye nek aamaal par 70 guna ajr-o-sawaab milta he, magar ye nahi ke iss mubaarak maheene men ek farz adaa karne se 70 farz nimat jaayenge. [Fataawa Yousufi]

*🌸Jumu'a-tul-Widaa' Aur Ibaadat :* Shariat-e-mutahhara men Jumu'a-tul-Widaa' ke liye koi khusoosi ibaadat shariat men muqarrar nahi ki gayi he. Ramazaan-Ul-Mubaarak ki har raat aur har din ek se ek aala he. Khusoosan Jumu'ah ka din aur Jumu'ah ki raaten, aur al-al-khusoos Ramazaan ke aakhri ashre ki raaten, aur unmen taaq raaten, unmen tilaawat, zikr, nawaafil, istighfaar, durood shareef ki jis qadar mumkin ho, kasrat karni chaahiye, khusoosan ye kalimaat kasrat se padhne chaahiyen :

*[[لَآ اِلٰہَ اِلَّا اللهُ، نَسْتَغْفِرُ اللهَ، نَسْئَلُکَ الْجَنَّةَ وَنَعُوْذُ بِکَ مِنَ النَّارِ]]*

_[[Laa Ilaaha Illallah, Nastaghfirullah, Nas'aluk-al-Jannata Wa Na'oozubika Min-an-Naar]]_

⚠Jumu'a-tul-Widaa' ke liye naya suit banwaana ek galat rasam he, jiska tark karna laazim he. [Jawaab 8220 : Fataawa Daar-Ul-Iftaa Daar-Ul-Uloom Deoband]

[[...Khatm Shud...]]

*📜Taalib-e-Dua : Hazrat Mufti Huzaifa Sahab Palanpuri (db)*

*🍂جمعة الوداع اور اس سے متعلق چند احکام🍂*

*🌹قسط 2*

*🌸جمعة الوداع اور قضائے عمری :* بعض لوگ کہتے ہیں کہ جمعة الوداع کے دن قضائے عمری کی نماز پڑھنی چاہئے، وہ اس طرح کہ جمعہ کے وقت دو رکعت قضائے عمری کی نیت سے پڑھی جائے کہ اس سے پورے سال کی نمازیں ادا ہوجاتی ہیں، یہ بات بالکل غلط ہے، اور اس میں تین غلطیاں ہیں :

*1-* شریعت میں "قضائے عمری" کی کوئی اصطلاح نہیں، شریعت کا حکم تو یہ ہے کہ مسلمان کو نماز قضا ہی نہیں کرنی چاہئے، کیونکہ حدیث میں ہے کہ جو شخص ایک فرض جان بوجھ کر قضا کردے، اللہ تعالی کا ذمہ اس سے بری ہے۔

*2-* جو شخص غفلت و کوتاہی کی وجہ سے نماز کا تارک رہا، پھر اس نے توبہ کرلی اور عہد کیا کہ وہ کوئی نماز قضا نہیں کرے گا، تب بھی گزشتہ نمازیں اس کے ذمہ باقی رہیں گی، اور ان کا قضا کرنا اس پر لازم ہوگا، اور اگر زندگی میں اپنی نمازیں پوری نہیں کرسکا تو مرتے وقت اس کے ذمہ وصیت کرنا ضروری ہوگا کہ اس کے ذمہ اتنی نمازیں قضا ہیں، ان کا فدیہ ادا کردیا جائے، یہی حکم زکوٰة، روزہ اور حج وغیرہ دیگر فرائض کا ہے، اس قضائے عمری کے تصوّر سے شریعت کا یہ سارا نظام ہی باطل ہوجاتا ہے۔

*3-* کسی چیز کی فضیلت کے لئے ضروری ہے کہ وہ حضور اکرم ﷺ سے ثابت ہو، کیونکہ بغیر وحی الٰہی کے کسی چیز کی فضیلت اور اس کا ثواب معلوم نہیں ہوسکتا، ماہِ رجب کی نماز اور روزوں کے بارے میں، اسی طرح جمعة الوداع کی نماز اور روزے کے بارے میں جو فضائل بیان کئے جاتے ہیں، یہ آپ ﷺ سے قطعاً ثابت نہیں، اس لئے ان فضائل کا عقیدہ رکھنا بالکل غلط ہے، شریعت کا مسئلہ تو یہ ہے کہ اگر کوئی شخص ایک فرض ترک کردے تو ساری عمر کی نفلی عبادت بھی اس ایک فرض کی تلافی نہیں کرسکتی، اور یہاں یہ مہمل بات بتائی جاتی ہے کہ دو رکعت نفل نماز سے ساری عمر کے فرض ادا ہوجاتے ہیں۔ [مستفاد از فتاوی یوسفی] 

⚠بعض لوگ جمعة الوداع کو خاص عبادت کچھ اس طرح کرتے ہیں کہ چار رکعت کی نیت کرکے ہر رکعت میں سات دفعہ آیة الکرسی اور سات دفعہ سورہ کوثر پڑھتے ہیں اور اس کو تمام عمر کی قضا نمازوں کا کفارہ سمجھتے ہیں تو واضح رہے کہ شریعت میں اس نماز کی کوئی اصل نہیں اور نہ ہی یہ نماز قضاء شدہ نمازوں کا کفارہ ہوگا بلکہ جتنی نمازیں آدمی سے قضاء ہوئی ہیں، ان کا ادا کرنا ضروری ہے، بغیر اس کے وہ نمازوں سے بری الذمہ نہیں ہوسکتا۔ [جواب : 8405: فتاوی دارالافتاء دارالعلوم دیوبند] 

*🌸رمضان میں ایک قضا نماز ایک ہی شمار ہوتی ہے :* رمضان المبارک میں نیک اعمال کا ثواب ستر گنا ملتا ہے، لیکن اس سے یہ قیاس کرلینا کہ رمضان میں قضا کی ہوئی ایک نماز سے قضا شدہ ستر نمازیں ادا ہوجائیں گی، بالکل غلط ہے، ایک مالک اعلان کردے کہ جو لوگ فلاں دن کام پر آئیں گے ان کو ستر گنا اُجرت دی جائے گی، تو اس کے یہ معنی کبھی نہیں سمجھے جائیں گے کہ ایک دن کام کرنے کے بعد اب ستر دن کی چھٹی ہوگی یا یہ کہ یہ ایک دن ستر دنوں کے کام کے قائم مقام تصوّر کیا جائے گا، ظاہر ہے کہ ایسا سمجھنے والا احمق ہوگا! الغرض کسی عمل پر زائد مزدوری ملنا اور بات ہے، اور اس عمل کا کئی دن کے عمل کے قائم مقام ہوجانا دُوسری بات ہے، رمضان المبارک میں ادا کئے گئے نیک اعمال پر ستر گنا اجر و ثواب ملتا ہے، مگر یہ نہیں کہ اس مبارک مہینے میں ایک فرض ادا کرنے سے ستر فرض نمٹ جائیں گے۔ [فتاوی یوسفی] 

*🌸جمعة الوداع اور عبادت :* شریعت مطہرہ میں جمعة الوداع کے لئے کوئی خصوصی عبادت شریعت میں مقرر نہیں کی گئی ہے، رمضان المبارک کی ہر رات اور ہر دن ایک سے ایک اعلیٰ ہے، خصوصاً جمعہ کا دن اور جمعہ کی راتیں، اور علی الخصوص رمضان کے آخری عشرے کی راتیں، اور ان میں بھی طاق راتیں، ان میں تلاوت، ذکر، نوافل، اِستغفار، دُرود شریف کی جس قدر ممکن ہو کثرت کرنی چاہئے، خصوصاً یہ کلمات کثرت سے پڑھنے چاہئیں:

*[[لَآ اِلٰہَ اِلَّا اللهُ، نَسْتَغْفِرُ اللهَ، نَسْئَلُکَ الْجَنَّةَ وَنَعُوْذُ بِکَ مِنَ النَّارِ]]* [مستفاد از فتاوی یوسفی] 

⚠جمعة الوداع کے لئے نیا سوٹ بنوانا ایک غلط رسم ہے، جس کا ترک کرنا لازم ہے۔[جواب : 8220 : فتاوی دارالافتاء دارالعلوم دیوبند] 

[[...ختم شد...]]

*📜طالب دعا : حضرت مفتی حذیفہ صاحب پالنپوری*

---------------------------------------------------------

FIQHI MASAIL

Official channel for masail

By Mufti Huzaifa Palanpuri db

https://t.me/MasailByMuftiHuzaifaPalanpuri