15 Sha'baan Ki Ibaadat

*🌸پندرہ شعبان کی عبادت🌸*

*🎙مقرر :* حضرت اقدس مولانا مفتی سعید احمد پالن پوری صاحب دامت برکاتھم العالیہ، شیخ الحدیث و صدر المدرسین دار العلوم دیوبند 

*📝ناقل :* عادل سعیدی دیوبندی 

*💎 پندرہ شعبان کے سلسلے میں چار باتیں صحیح ہیں :*

*1-* اس رات میں اللہ سبحانہ وتعاليٰ جتنی توفيق دیں، اتنی گھر میں انفرادي عبادتیں کرنا، مگر ہم نے اس رات کو ہنگاموں کی رات بنا دیا ہے، مسجدوں اور قبرستانوں میں جمع ہوتے ہیں، کھاتے پیتے اور شور کرتے ہیں، یہ سب غلط ہے، اس کی کوئی حقیقت نہیں، اس رات میں نفلیں پڑھنی چاہئیں، اور پوری رات پڑھنی ضروری نہیں، جتنی اللہ تعالیٰ توفيق دیں گھر میں پڑھے، یہ انفرادي عمل ہے، اجتماعی عمل نہیں۔ 

*2-* اگلے دن روزہ رکھے، یہ روزہ مستحب ہے۔ 

*3-* اس رات میں اپنے لئے، آپنے مرحومین کےلئے، اور پوری امت کے لئے مغفرت کی دعا کرے،  اس کے لئے قبرستان جانا ضروری نہیں، اس رات میں حضور اکرم صلی اللہ علیہ وسلم قبرستان ضرور گئے ہیں، مگر چپکے سے گئے ہیں، حضرت عائشہ رضی اللہ عنہا کو اتفاقاً پتہ چل گیا تھا، نیز حضور پاک صلی اللہ علیہ وسلم نےاس رات میں قبرستان جانے کا کوئی حکم بھی نہیں دیا، اس لئے ہمارے یہاں جو تماشے ہوتے ہیں، وہ سب غلط ہیں۔ 

*4-* جن دو شخصوں کے درمیان لڑائی جھگڑا اور اختلاف ہو، وہ اس رات میں صلح صفائی کر لیں، اگر صلح صفائی نہیں کریں گے، تو بخشش نہیں ہوگی۔ 

یہ چار کام اس رات میں ضعیف حدیث سے ثابت ہیں، اور ضعیف کا لحاظ اس وقت نہیں ہوتا جب سامنے صحیح حدیث ہو، صحیح حدیث کے مقابلے میں ضعیف حدیث کو نہیں لیا جاتا، لیکن اگر کسی مسئلہ میں ضعیف حدیث ہی ہو، اس کے مقابلے میں صحیح حدیث نہ ہو، تو ضعیف حدیث لی جاتی ہے، اور ایسا یہی ایک مسئلہ نہیں ہے، بہت سے مسائل ہیں، جن میں ضعیف حدیثیں ہیں، اور ضعیف احادیث سے مسائل ثابت ہوئے ہیں، جیسے صلوۃ التسبیح کی گیارہ روایتیں ہیں، اور سب ضعیف ہیں، مگر سلف کے زمانے سے صلوۃ التسبیح کا رواج ہے۔ 

البتہ ضعیف حدیث سے واجب اور سنت کے درجہ کا عمل ثابت نہیں ہو گا، استحباب کے درجے کا حکم ثابت ہوگا، پس صلوۃ التسبیح پڑھنا مستحب ہے، ایسے ہی پندرہ شعبان کے بارے میں، جو روایات ہیں وہ بھی ضعیف ہیں، مگر ان سے استحباب کے درجہ کا عمل ثابت ہو سکتا ہے، پس احادیث میں بیان کئے گئے چاروں کام مستحب ہوں گے، شب برأت، اس کے اعمال اور اسکے اعمال کو بالکل بے اصل کہنا درست نہیں، البتہ سورہ دخان کی تیسری آیت: انا انزلناہ فی لیلۃ مبارکۃ کا مصداق شب برأت نہیں، اس کا مصداق شب قدر ہے، کیونکہ قرآن کریم شب قدر میں نازل ہوا ہے۔ [علمی خطبات، جلد: 2، صفحہ نمبر: 247] 

*✍طالب دعا : حضرت مفتی حذیفہ صاحب پالنپوری🎓*

------------------------------------------------------------

*🌸15 Sha'baan Ki Ibaadat🌸*

*🎙Muqarrir :* Hazrat-e-Aqdas Molana Mufti Sa'eed Ahmed Palanpuri Sahab Damat Barakatuhum-Ul-Aaliya,

Sheikh-Ul-Hadees Wa Sadar-Ul-Mudarriseen Daar-Ul-Uloom Deoband. 

*📝Naaqil :* Aadil Sa'eedi Deobandi

*💎15 Sha'baan Ke Silsile Mein 4 Baaten Sahi Hen :*

*1-* Iss raat mein Allah Subhaanahu Wa Ta'ala jitni taufeeq den, utni ghar mein infiraadi ibaadaten karna, magar ham ne is raat ko hangaamo ki raat bana diya hai, masjido aur qabrastaano men jama hote hen, khaate peete aur shor karte hen, ye sab ghalat hai, iski koi haqeeqat nahi. Iss raat mein naflein padhni chaahiye, aur puri raat padhni zaruri nahi, jitni Allah Ta'ala taufeeq dein ghar mein padhen, ye infiraadi amal hai, ijtimaa'ee amal nahi. 

*2-* Agle din roza rakhe, ye roza mustahab hai. 

*3-* Iss raat mein apne liye, apne marhoomeen ke liye, aur puri ummat ke liye maghfirat ki dua kare, uske liye qabrastaan jaana zaruri nahi, iss raat mein Huzoor Sallallahu Alaihi Wasallam qabrastaan zaroor gaye hen, magar chupke se gaye hen, Hazrat Aayesha Razi Allahu Anha ko ittefaaqan pata chal gaya tha. Nez Huzoor-e-Paak Sallallahu Alaihi Wasallam ne is raat mein qabrastaan jaane ka koi hukm bhi nahi diya, isliye hamaare yahaan jo tamaashe hotey hen, wo sab ghalat hen. 

*4-* Jin do shakhson ke darmiyaan ladaayi jhagda aur ikhtelaaf ho, wo iss raat mein sulah safaayi kar le, agar sulah safaayi nahi karenge to bakhshish nahi hogi. 

Ye chaar kaam iss raat mein za'eef hadees se saabit hen, aur za'eef ka lihaaz uss waqt nahi hota jab saamne saheeh hadees ho. Saheeh hadees ke muqaable mein za'eef hadees ko nahi liya jaata, lekin agar kisi masle men za'eef hadees hi ho, uske muqaable mein saheeh hadees na ho, to za'eef hadees li jaati hai, aur aisa yahi ek masla nahi hai, bahot se masaail hen jin mein za'eef hadeesen hai, aur za'eef ahaadees se masaail saabit huwey hai, jaise salaat-ut-tasbeeh ki 11 riwaayaten hen, aur sab za'eef hen, magar salf ke zamaane se salaat-ut-tasbeeh ka riwaaj hai. 

Albatta za'eef hadees se waajib aur sunnat ke darje ka amal saabit nahi hoga, istehbaab ke darje ka hukm saabit hoga, pas salaat-ut-tasbeeh padhna mustahab hai. Aese hi 15 Sha'baan ke baare men jo riwaayaten hen wo bhi za'eef hen, magar unse istehbaab ke darje ka amal saabit ho sakta hai, pas ahaadees mein bayaan kiye gaye chaaron kaam mustahab honge. Shab-e-Baraat, uske aamaal aur uske aamaal ko bilkul be asal kehna durust nahi; Albatta Sura-e-Dukhaan ki teesri aayat : [انا انزلنا فی لیلتہ مبارکۃ] ka misdaaq Shab-e-Baraat nahi, uska misdaaq Shab-e-Qadr hai, kyunke Qura'an-e-Kareem Shab-e-Qadar mein naazil huwa hai. [Ilmi Khutbaat, Jild : 2, Safha Number 247]

*✍Taalib-e-Dua : Hazrat Mufti Huzaifa Sahab Palanpuri (db)🎓*

FIQHI MASAIL

Official channel for masail

By Mufti Huzaifa Palanpuri db

https://t.me/MasailByMuftiHuzaifaPalanpuri